O Consello Escolar do CEIP A Maía ten abertas as solicitudes de candidaturas ata o 8 de novembro para nais e pais que queiran formar parte deste organismo. Establécense un total de 4 vogalías dirixidas a proxenitores do alumnado do centro.
Desde a ANPA CEIP A Maía animámoste a que presentes a túa candidatura ao Consello Escolar. É unha oportunidade de coñecer de preto as actividades que se están a desenvolver no centro, así como o seu funcionamento. Participa e aproveita para trasladar as inquedanzas da comunidade educativa perante este organismo.
Para presentar a túa candidatura só tes que descargar a solicitude premendo aquí, cubrir os teus datos e enviala ao e-mail ceip.a.maia@edu.xunta.gal, indicando como asunto “Candidatura Consello Escolar”. Tamén a podes presentar na Secretaría do centro en horario de 09.15 a 13.30 horas.
Participa e contribúe ao benestar da comunidade educativa do CEIP A Maía!