Seguindo a liña iniciada o pasado curso, a ANPA do CEIP A Maía organizou unha actividade especial, que se incluíu dentro do programa da festa de fin do primeiro trimestre do colexio. Desta volta, ofreceuse un concerto de Pakolas que puxo en escena o seu espectáculo ‘As máis molonas’.
Así, tras a chocolatada que se desenvolveu nas aulas, o alumnado desprazouse esta mañá arredor das 12.30 horas ao patio cuberto para gozaren da música de Pakolas. O concerto, que fixo bailar a grandes e cativada, durou aproximadamente unha hora.
Desde a ANPA queremos agradecer o apoio do equipo directivo e do profesorado do centro á hora de organizar esta proposta cultural. O desenvolvemento desta actividade foi posible grazas ao financiamento do Concello de Ames e da Deputación de A Coruña.