A ANPA do CEIP A Maía organiza para o vindeiro xoves 20 de xuño o acto de graduación do alumnado de 6º de Educación Primaria. A cita terá lugar na Casa da Cultura de Bertamiráns ás 17.00 horas.
O acto contará coa presenza da directora do noso colexio e tamén da presidenta da ANPA, así como dos diferentes titores e titoras dos catro cursos de 6º de EP do centro. Representantes das distintas aulas lerán os seus respectivos discursos para despois ser entregados os diplomas e un agasallo como premio ao seu esforzo durante esta etapa escolar ás 84 nenas e nenos que se despiden da Primaria.
Agardámosvos!
E para rematar o curso, a ANPA desvelará en breve os detalles da Festa de Fin de Curso. Xa vos adiantamos que terá lugar o venres 21 de xuño na contorna do Pazo da Peregrina. Haberá sorpresas!