No seu afán por favorecer a conciliación familiar, a ANPA do CEIP A Maía xa ten lista a oferta de actividades extraescolares para o curso escolar 2025-2026. Como novidades, incorpóranse propostas como Manualidades, Teatro e Fotografía.
As actividades desenvolveranse de luns a venres entre as 16.00 e as 17.30 horas, sendo a franxa máis común a de 16.30 a 17.30 horas. Por idades, a oferta distribúese deste xeito e cos seguintes prezos por mes:
Educación Infantil:
- Inglés (1) – 25 €
- Predeporte – 17 €
- Manualidades – 20 €
Educación Primaria:
- Guitarra – 15 €
- Baloncesto – 17 €
- Danza – 20 €
- Francés – 25 €
- Teatro – 20 €
- Inglés (2) – 25 €
- Raqueta – 17 €
- Fotografía – 15 €
- Debuxo – 20 €
Educación Infantil -preferentemente, 6º curso- e Primaria:
- Xadrez – 10 €
- Patinaxe – 16 € (1 día por semana) / 24 € (2 días por semana)
- Robótica – 20 €
As inscricións deberanse realizar a través do seguinte formulario antes do 24 de setembro. As actividades comezarán o 1 de outubro. Lembrade que se require dun grupo mínimo para poder desenvolver as actividades. De non chegar ao mínimo de alumnado, a actividade será cancelada.
A matrícula para familias asociadas á ANPA é gratuíta (a cota anual é de 20 €). Para as familias non asociadas a matrícula é de 20 € (que se cargará na conta bancaria xunto coa primeira mensualidade da/s actividade/s). Se vos asociades, poderedes gozar de todas as vantaxes que vos reporta estar na ANPA. Podedes descargar o formulario de alta para socios/as aquí.
Os cargos na conta de referencia pasaranse mensualmente. Á cota correspondente pola/s actividade/s sumarase 1 € por gastos de xestión bancaria.
Ademais de polo seu prezo, as actividades extraescolares ofertadas pola ANPA do CEIP A Maía favorecen a conciliación laboral e familiar, xa que as vosas crianzas poderán ser levadas directamente desde o comedor ás distintas clases polo monitorado deste servizo. Aproveitade todas as vantaxes e reservade a vosa praza!