A ANPA do CEIP A Maía xa ten o calendario provisional de actividades extraescolares para o vindeiro curso 2024-2025. Na procura sempre de cubrir as necesidades das familias, incorporaranse tres novas disciplinas: baile, predeporte e karate.
As actividades desenvolveranse de luns a venres, principalmente en horario de 16.00 a 17.30 horas, favorecendo, deste xeito, a conciliación laboral e familiar. O horario provisional de actividades é o seguinte:
| HORA/DÍA | LUNS | MARTES | MÉRCORES | XOVES | VENRES |
| 16.00-16.45 h | GUITARRA | BONJOUR PARÍS | |||
| XADREZ | |||||
| 16.30-17.30 h | FUN ENGLISH (1) | PATINAXE | FUN ENGLISH (2) | PREDEPORTE | ROBÓTICA |
| BALONCESTO | KARATE (1) | RAQUETA | BAILE TRADICIONAL | DEBUXO | |
| DANZA/BAILE | PATINAXE | ||||
| 17.30-18.30 h | KARATE (2) |
Por idades, as actividades distribuiríanse do seguinte xeito:
Educación Infantil:
- Fun English (1)
- Karate (1)
- Predeporte
Educación Primaria:
- Guitarra
- Baloncesto
- Xadrez
- Fun English (2)
- Raqueta
- Baile tradicional
- Debuxo
- Bonjour París
- Karate (2)
- Robótica
Posibilidades de facer grupo de Infantil e grupo de Primaria (dependendo do número de crianzas matriculadas):
- Danza/baile
- Patinaxe
A matrícula para as actividades comezará a principios de setembro. Lembrade que se require dun grupo mínimo para poder desenvolver as actividades. De non chegar ao mínimo de alumnado, a actividade será cancelada. O prezo das clases variará en función do número de alumnas e alumnos que se inscriban.
A matrícula para familias asociadas á ANPA é gratuíta (a cota anual é de 20 €). Para as familias non asociadas a matrícula é de 20 €. Se vos asociades, poderedes gozar de todas as vantaxes que vos reporta estar na ANPA. Podedes descargar o formulario de alta para socios/as aquí.
Ademais das variadas propostas que se ofrecen, outra das vantaxes é que tentamos favorecer a conciliación laboral e familiar con actividades ás que as vosas fillas e fillos serán levadas/os directamente desde o comedor polo monitorado deste servizo.